Hoben a muri despues di Choking Challenge

0

ARKEL, Hulanda – Un hoben di 16 aña for di Arkel, a fayece despues di un “Choking Challenge”: choca e garganta mas hopi posibel.
Den un instancia parce cu ta trata di un suicidio, pero despues a bin resulta cu Tim a graba e “wega” cu su propio celular. Riba e video por a mira e alumno di VWO 5 ta pone un faha strak rond di su nek, caminda cu e mes no por a los y a fayece.
E mayornan mes a trece e storia dilati den De Volkskrant pa asina adverti e hobennan cu tipo di weganan asina por costa nan bida. Den exterior, varios mucha a fayece door di tipo di retonan riba internet asina.
Riba internet tin mas video di muchanan cu den un corto tempo ta choca nan garganta prome cu cos bay for di man: riba internet e ta conoci como “the good boys high”. Un paso mas leu ta cu un faha, algo cu Tim a haci.
Prome tabata e Cinnamon Challenge, caminda cu e hobennan mester guli den un solo guli, un hap di cane. Un hoben for di Hilversum di 13 aña a drenta den coma pa cinco dia.
Hoogleraar mediaopvoeding Peter Nikken a bisa den corant cu e muchanan mester wordo miho instrui con pa anda cu social media.
Durante e entiero di Tim, su tata a conta riba e “chocking challenge”, pa mustra e coleganan di klas di su yiu riba e peligernan.
Fuente: www.telegraaf.nl