Colombia ta rebeldia despues di e derota cu nan a sufri na man di Japon, cu a gana nan 2-1. E Suramericanonan nunca a imagina un derota den nan prome partido y algun a descarga nan rabia contra di Carlos Sanchez, e defensor cu a wordo expulsa na di tres minuut di wega.
Na Colombia, menasa un hungado cu morto ta algo hopi preocupante. Na 1994, despues di e mundial di Merca 1994, e intimidacion a wordo concreta pa un grupo di narcotraficante.
E seleccion Colombiano a cuminsa cu mal pia. Na di dos minuut, e Japones Yuya Osako a haya e prome opcion di e gol cu no a wordo bon cubr pa David Ospina. Sin embargo, den e di dos hugada, “La Roca” a opta pa saca su brasa pa intercepta e bala cu tabata bayendo direct pa e net.
Esaki a wordo sigui cu e expulsion mesora di e defensor Colombiano y e despues e prome gol di e seleccion Asiatico den un penal. Aunke e Colombianonan a logra empata e wega, na di 73 minuut, e mesun delantero cu a genera e prome hugada di e partido, cu a bira e gol definitivo unda cu Japon ta supera Colombia, 2-1.
“Si Andres Escobar a wordo asesina pa score un autogol, e ora Carlos Sanchez lo mester wordo asesina y su cadaver lo mester orina ariba dje”, un usuario a skirbi ariba rednan social, mientras cu otro a publica un imagen di Escobar cu e inscripcion: “Mi ta propone un soño”.
E menasanan a cende e alarmanan den e pais Suramericano, ya cu ainda e historia teribel di e fayecido defensor ta presente. Dia 22 di juni 1994, e seleccion Suramericano tabata enfrentando e anfitrionnan di e mundial, pa e di dos ronda di e fase di grupo. Na di 34 minuut, Escobar kier a intercepta un hugada pero a termina ta score un (autogol) en contra. E encuentro ey tambe a caba 2-1.
Un victoria contra Suisa no tabata suficiente y e seleccion Colombiano a retira trempan for di mundial. Dies dia despues, e fout ey contra di e Mericanonan, Escobar ta muri den un hospital despues di a wordo tira mata pa Humberto Muñoz Castro, chauffeur di e rumannan Pedro David y Juan Santiago Gallon Henao, vincula na narcotráfico. E fanaticonan ferviente a discuti cu e defensor y no a soporta e eliminacion asina trempan.
Y awo, polis ta investiga e agresornann y según e cadena di radio RCN, tin expertonan den informatica di e Direccion di Investigacion Criminal purbando di dal den e paradero for di cual e menasa a wordo manda.
Ademas, e cuenta di Twitter “@HumoAguilaFPC”, for di cual e menasa comparativo cu esun di e difunto futbolista Colombiano, a wordo cera despues di a ricibi un ola di critica.