Naci na Hulanda, Marielle a disfruta di un carera solido di hospitalidad na Aruba durante e ultimo 9 añanan aki. E hotelero dinamico segun profesion recientemente a wordo recluta pa Hilton Aruba Caribbean Resort & Casino como e Gerente di Piscina y Playa, y cu esaki e ta responsabel pa e experiencia di e huespednan durante e dia na e resort su famoso playa.
Sosteni pa un ekipo di diesseis persona, Marielle su ekipo ta ofrece servicio na e palapanan di e playa y e cabananan di e piscina, haciendo posibel pa e huespednan por relaha y sosega segun nan gusto.
Su departamento tambe ta ofrece un programa diario di actividadnan recreacional, cual ta gratis pa huespednan. E actividadnan ta diseña pa esunnan di tur edad y preferencia, y ta priminti un mescla dibertido di cultura, deporte y relahacion, yudando huespednan pa saca nan maximo probecho di tur aspecto di e resort, comunidad local y e isla. Entre e actividadnan ofreci, tin cu ta enfoca riba Salud y Bienestar, incluyendo Pool Volleyball, Stand Up Paddle Board Tours, Aquacise, Beach Tennis, Pilates, Yoga, Meditacion y Halamento di Rosea.
Pa esunnan cu gana di hunga y keda activo, Marielle ta ofrece henter un programa di Pool Bingo, y ta organisa tayernan di Salsa &Merengue, como tambe Interaccionnan cu Parha den e hardin di parha di e resort. Un cantidad di actividad popular ta saca e huespednan di e resort, cu un Cycling Tour pa e California lighthouse entre e actividadnan di mas popular. Bishitanan organisa pa bai e Butterfly Farm ta cera e lista di diberticion familiar.
“Nos ta haci un extra esfuerso pa deleita nos huespetnan, durante tur ora di dia” Marielle a revela. Regularmente e ta invita su miembronan di ekipo pa cana rond di e piscina cu serbete fresco y friu y palito di fruta fresco, pa un tiki extra malcriamento durante e oranan di atardi.
Muchanan cu ta pasa nan vakantie hunto cu nan mayornan na Hilton Aruba Caribbean Resort & Casino ta gusta bishita ShocoLand, e club di mucha, cual ta organisa un variedad di actividad pa esnan entre edad di 4 pa 12 aña. ShocoLand ta habri 7 dia pa siman, y ta conta cu un espacio supervisa recien renoba y bunita apunta, cu coi hunga y wega.
E curason di e resort, esta e mid-pool-deck Activities’ Center, ta un centro di ambiente. E ta provee huespednan cu serbete y informacion y recientemente a introduci un servicio special nobo, esta e asina yama Beach Concierges, kendenan ta haci reservacionnan di restaurant pa e huespednan, sin cu nan mester bandona nan luga riba e playa.
Marielle ta raporta cu e ta namora di su trabou y di su baby di 6 luna, Pasa bishit’e na cualkier momento durante e dia, semper tin algo nobo tumando luga den su departamento.