E aña aki un bes mas un delegacion den e deporte di dammen lo competi den e Pan-American Senior International Draught Championship edicion number dieznuebe. E competencia lo ta un clasificacion pa e World Mind Games 2017 na China unda e campeon lobay directo mientras e prome tres lugarnan lo clasifica directo pa e World Championship Tallin 2017.
E campeonato Panamericano di dammen lo tuma luga na e ciudad di Sao Paulo riba e dianan 19 pa 21 di September. E delegacion di Aruba ta consisti di e hungadonan Henry Knepa y Rolin Croes. E paisnan participante lo ta Costa Rica, Curacao, Guadeloupe, Haiti, St.Maarten, Sto.Domingo, Suriname, Trinidad & Tobago, Merca, Aruba, y Brazil mes.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di Arubano di dammen.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio