Riba un base anual, tur pais den Reino ta topa otro pa discuti e topico di tratado. Recientemente e reunion anual a tuma lugar na St. Maarten caminda a papia riba preparacion, implementacion y procedura parlamentario di tratadonan relevante pa cada país den Reino.Entre otro a papia di futuro tratadonan riba diferente tereno manera di aduana, impuesto, inversion y proteccion di inversion, aviacion etc. mr. P. Davidse a representa Aruba na e reunion.
Despues di e reunion na St. Maarten, Hefe di e Seccion di Tratado di e Ministerio di Relacionnan Exterior Mr. J.F.M.A. (Joep) Damoiseaux hunto cu e persona encarga cu tratadonan di e paisnan Caribense di Reino, Sra mr. Kathelijne Cammermans, a haci un bishita di cortesía cerca e Director di Departamento di Relacionnan Exterior di Aruba, Drs. R. A. Lee.
Loading ...
