TOKYO, Hapon – E cantidad di turistanan Chines en busca di un mesa di bacarat of un roulette riba teritorio Hapones, ta haciendo autoridadnan local considera e posibilidad di permiti casino pa turistanan na Hapon.
Desde 20 aña pasa, weganan di suerte cu betmento pa placa ta oficialmente prohibi pa Haponesnan. Pero e legislacion ta ambiguo. Ta permiti bet riba caredanan di cabay, di bicicleta of di speedboat dentro di condicionnan estricto. Ademas di esey, ta existi un loteria nacional.
Di un otro banda, nos sa cu e pasion cu e Haponesnan ta sinti pa mashinnan di placa, specialmente na e furia descontrola pa Pachinko.
Ta surgi e posibilidad di habri casinonan exclusivo pa turista y algun ta bisa ya cu e obsesion pa wega no ta satisfecho plenamnte cu e miles di salon di pachinko unda cu e Haponesnan ta laga miyones di Yens, moneda tras di moneda. O sea, cu ya nan lo busca manera pa drenta.
Den otro destinonan Asiatico ta existi ya casino solamente pa turista, manera den e caso di Seoul of cu medidanan restrictivo pa localnan, manera den e caso di Singapore, cu tin acceso liber pa biahero pero ta cobra entrada na e residentenan.
Empresario y autoridadnan ya a pone nan mes den marcha. E prefectura di Kanagawa ya ta trahando riba esaki. Su ciudad principal, Yokohama, por converti den e meca di e turistanan Chines cu ta bay Hapon pa bet.
Por ta, dentro di poco, tambe nos por mira surgi un compleho di casino na Chiba, e localidad unda ta ubica e aeropuerto Narita, un ora di trein for di Tokyo.
Fuente: http://www.diariodelviajero.com/