Rotterdam, HULANDA – E waf di Rotterdam pa cuater dia, desde 10 di April pa 13 di April lo ta scenario pa un ehercicio di proteccion di waf: ‘Port Defender Rotterdam’. Marina Real, Havenbedrijf Rotterdam y Veiligheidsregio Rotterdam- Rijnmond lo haci e ehercicio aki en conhunto, pa den caso di incidentenan na gran escala y menasanan terorista intenso.
Tin varios scenario di ehercicio. Special forces di Cuerpo di Marina y e Cuerpo di Intervencion Special (DSI) lo libera un obheto marino di garanan terorista pa medio di explosivonan. Entre tanto buzonan di e Maritime Advanced Search Team (MAST) y militarnan di Maritieme Explosievenopruimingsdienst lo tin nan propio retonan.
E Nautische Mobiele Eenheid di polis lo drenta den accion pa asina pone un fin na un demostracion, mientras cu servicio di ambulance lo mantene su mes bezig cu e “heridonan”. Na cierto momento bomberonan di tambe lo forma parti di e ehercicio.
Fuente: www.anp.nl