Hackernan ta delete video di “Despacito” riba YouTube

0
RBC Juli 2018
ling and sons porciento
Funmiles-2018

TECNOLOGIA

E cancion popular a wordo piratea riba YouTube pa un grupo di hackers. Esaki a bin apenas algun dia despues cu e video a supera e 5 biyon views.

Dialuna anochi, e buskeda di e video tabata mustra como resultado un mensahe di un grupo identifica como “Prosox and Kuroi’sh & Shade & akashi IT & KIraRoot & Xepher & SenpaiWeb..

Segun e portal New Musical Express (NME(e grupo ta skirbi e mensahe “Free Palestine” (Libera Palestina) bou di e video.

Riba e imagen cu a parece ora di busca e video por a wak figuranan bisti cu mascarada cu’n pistool den man y ta mik ariba e camara. Ora di drenta, e usuario ta haya e mensahe “E video aki a wordo deleted”.

Despacito a wordo lansa na januari 2017 y el a kibra tur otro record di cantica Latino y di cualkier otro origen, entre cual esun cu mas siman a keda riba posicion nr. 1 na Merca.

E remix cu Justin Bieber tabata otro di e hits cu a lansa e cantica pa un fama internacional casi sin precedente.

Ainda YouTube mes no a saca un comunicado expresando su mes over di e acto di pirateria aki ni tampoco riba e consecuencianan economico cu por afecta esunnan cu tin derecho di autor di e cancion. Otro informacion ta indica cu varios artista a sufri atakenan ariba nan videonan mas popular.

Den e caso di “Despacito” pa 12 or di anochi, e video a reaparece riba e plataforma, aparentemente, conservando e views cu tabata tin prome cu el a wordo gehacked.

Fuente: https://www.infobae.com/america/entretenimiento

Comments

comments

C: Heineken
new india
dvg