Por medio di e comunicado ki, nos e habitantenan di Tarabana kier a trece nos disgusto dilanti. Pa varios luna nan caba, nos anochi nan ta ser molestia pa dreimento di auto y brommer.
E orario di anochi, di drumi, ta uno di sumo importancia pa e ser humano.
E momento cu su curpa y sigur su mente mester relaha, pa asina por cuminsa e dia nobo cu yen di energia. Sea pe adulto cu ta bay traha of/y mucha/hoben nan cu tin cu bay scol.
Durante ultimo lunanan, nos ta ser molestia pa e fever cu ta tuma lugar riba parkeerplaats di e Mega Hardware Store cu ta situa banda p’ariba di e caminda Avenida Watty Vos.
No ta importa si ta weekend of den siman, e asina yama “butamento di fever” aki ta tuma luga como sea.
E situacion aki tin e habitantenan di Maracastraat te cu esnan den Fiyostraat, incluyendo e cayanan mey mei di esnan menciona, hopi fada.
Tur anochi por tende sonido di motor nan fuerte, sonido di tire ta drei, holor di tire kima y te asta holor nan di huma.
Por tuma nota cu momento cu esaki ta tuma lugar, hopi biaha ta bin den grupo nan grandi y ta manera un evento tin.
A yama Polis na varios ocacion, cual nan ta presenta net na momento cu e persona nan aki ta bandona e parkeerplaats.
Mirando nan sa cu esaki ta molester, nan ta bin y haci fever net e minuut nan cu nan sa cu Polis lo tarda pa yega.
Nos ta spera esnan concerni por tuma paso pa stop esaki.
Atentamente, Habitante nan di Tarabana cu tin mester di nan trankilidad y nan soño bek.