Diabierna anochi hombernan arma a drenta un cas na Jaburibari na e casnan di pueblo y topa cu un señora cu baby den cas. E hombernan cu arma di candela den man a menasa e señora pa placa sino nan ta bay cu e baby. E atracadornan a bay cu algo di 700 florin cu e señora tabata tin y a logra bandona e sitio na pia y perde den e scuridad. Polis tabata presente pa asina tuma datos y notifica atraco team di e caso y personal di slachtofferhulp tambe a presenta pa papia cu e ciudadano.