guilfbes
Den combersacion cu lider di SPA Guillfred Besaril, el a splica cu SPA a pidi documentacion pa loke ta un situacion cu ta surgiendo den APFA pero tambe AZV. E medida cu a wordo tuma den pasado pa cobra riba brutoloon enbes di nettoloon tabata uno temporario y awo ta scuchando gremionan ta papia di aumento di edad di pensioen. Awo ta papia tambe di edad di pensioen general y esaki ta concerni APFA tambe. Esakinan lo ta topiconan pa discuti e aña aki tambe. E sindicalista ta spera cu lo tin seriedad ya cu 2013 lo ta aña di eleccion y esaki ta pone cu hopi bes ta tapa solo cu un dede y hende no sa kico ta e resultado final. Guilfred Besaril ta spera cu sano huicio prevalece y cu ora reuni e temanan wordo trata den seriedad ya cu ta hungando cu futuro di hopi hende cu a hinca placa den e fondo aki. P’esey a pidi documentacion y poco poco lo tuma e pasonan necesario pa jega na un solucion.