ALEPPO, Siria – Forsanan di Gobierno Sirio tabata haciendo avansenan rapido den oost di Aleppo, obligando miles di civil pa huy.
E ehercito Sirio a captura Jabal Badro diadomingo, un dia despues di a tuma e districto di Hanano y ta haciendo incursion den otro barionan.
Su obhetivo ta pa dividi e parti oost di e ciudad den dos. Algun informe ta bisa cu varios miles di civil ta purbando di scapa den otro areanan di gobierno y otro zonanan controla pa rebeldenan.
Mas of menos 275 mil hende ta kere cu lo keda oost di Aleppo, unda cu practicamente tur cuminda y suministronan medico a caba.
Un post riba cuenta di Twitter di Bana Alabed di shete aña di edad haci pa su mama Fatemah diadomingo, bisando cu nan cas oost di Aleppo tabata bao di bombardeonan pisa.
E ta duro pa obtene un imagen cla di con ta desaroya e acontecimentonan oost di Aleppo, pero a informa cu e forsnan gubernamental a pusha den e bario di Sakhour, cu no ta supera 500 meter di e creacion di un corridor atrabes di e teritorio controla pa rebeldenan.
Reuters ta bisa cu tropanan gubernamental a tuma e districto di Holok, mientras cu e Organisacion Sirio di Derechonan Humano ta bisa tambe cu nan a tuma Baadeen.
Mientras cu forsanan Kurdo a reporta di a tuma over e bario di Bustan al-Basha, permitiendo mas of menos 2500 civil huy by nort.
Forsanan Sirio a bisa cu nan a yuda 1500 hende huy pa partinan occidental controla pa gbierno, mientras cu cu agencianan di noticia Ruso a bisa cu mas of menos 900 civil, incluyendo 119 mucha, a bandona Jabal Badro so prome cu e tropanan a bin aden.
Fuente: BBC World