NORUEGA – Un tanki Mericano yena cu solda a kibra e silencio den e mondi, riba temperaturanan bao di cero, hopi riba e circulo polar Artico, mientras cu drones ta yena e aire di huma geel y berde.
“E obhetivo di e tropanan? Tin un bunker mas dilanti, maneha pa soldanan Noruego. Ta zona disparonan mientras e militarnan avansa, poniendo e sneeuw kraak bao di e shelo shinishi di winter.
Tur ta un wega di rol, por supuesto. E maniobranan ta parti di un ehercicio di entrenamento, pero uno cu ta impregna di e realidad nobo na e frontera mas septentrional di NATO cu Rusia.
Mas of menos 300 solda Mericano lo ta basa permanentemente na Noruega desde Januari, como parti di un pakete di medidanan destina na trankilisa un di e miembronan di NATO.
Apesar cu nan lo bay ta mas of menos un 1000 kilometer di e frontera, e plan ta pa reforsa e disposicion di tanki y armamentonan “preposiciona,” almacena durante henter aña den cuebanan subteraneo.
Defensa colectivo
Pero prome cu e despliege, Merca y Norguega ta haciendo ehercisionan riba e circulo polar Artico, hibando tankinan Abrams, mas den nort cu nunca nan tabata antes.
Y nan ta wordo observa intensamente: polis Noruego ta investigando mas di 10 avistamento di avionnan no identifica observando e maniobranan conhunto.
Un vocero di e Ehercito Noruego, Ole Johan Skogmo, a bisa cu nan tabata investigando si e dronenan tabata relaciona “cu interesadonan local of otro nacionnan.”
Y e rason di tur e actividad? Den un palabra: Ucrania.
“Na aña 2014, tabata tin un señal cla cu Rusia a drenta un zona caminda cu nan lo ta dispuesto y ta capas di uza poder militar,” Eldar Bernil a bisa.
Un funcionario halto di siguridad di Noruega a bisa CNN cu tin un creciente preocupacion riba e menasa plantea pa Rusia, despues di su accionnan na Crim y oost di Ucrania, unda rebelionnan separatista den escalanan chikito a wordo apoya cu e uzo discreto di e forsa militar Ruso.
“Nos ta papiando aki di un conflicto arma hibrido,” e funcionario, no identifica a bisa, “cu ta e conflicto bao di e umbral di e guera, caminda cu ta desfia naturalesa di democracia, caminda cu tin liber acceso na rednan social.”
Fuente: CNN en Español