MERCA – Cuminsando otro luna, e Mericanonan lo bay tin e opcion di cumpra productonan di Walmart, un di e mayor empresanan di benta minorista di mundo, uzando e asistente di voz di Google, for di nan celular of computer.
Nan lo habri caminda pa Walmart pa desafia e posicion dominante di Amazon y su asistente virtual, Alexa.
Pa hopi aña, Amazon a bin ta domina e bentanan electronico, ofreciendo prijsnan mas barata cu su competidornan y usualmente cu entrega na cas gratuito.
Sin embargo, e cadenanan di supermercado, cu tin su propio tiendanan online, a implementa strategianan manera “entrega riba e mesun dia” pa por enfrenta e desafio.
Google tampoco a keda atras y door di esey a ofrece companianan grandi pa bende nan productonan den Google Express.
Miriam Burt, analista na Gartner, empresa di investigacion tecnologico, a bisa cu e carera entre e gigantenan ta apunta na con lo bay simplifica e bida di e clientenan.
“Nos tin cu observa e segmento di clientenan potencial, particularmente e Generazion Z, esnan naci despues di 1995. Mi ta kere cu nan lo bay hopi bon den cumpra atrabes di e sistema di voz.”
Fuente: www.bbc.com