Guatemala ta suspende trabaonan di rescate

0

CIUDAD DE GUATEMALA, Guatemala- Guatemala a suspende e trabaonan di rescate den e zona afecta pa e erupcion di e volcan Fuego. Segun autoridadnan, e condicionnan di e area ta representa un risico halto pa e trahadonan.
“E condicionnan climatico y residuo di material ainda cayente den e area afecta no ta esunnan mas adecua pa preserva e integridad fisico di e rescatistanan”, segun e Coordinador Nacional pa Reduccion di Desastre (CONRED), cita pa e Agencia Guatemalteco di Noticia.
CONRED a aclaria cu ta trata di un suspension temporal, y el a informa cu lo monitor e zona di desastre. “Ta recomendabel pa e poblacion no yega cerca di e luga y atende e recomendacionnan di autoridadnan”, el a agrega.
E Cuerpo Boluntario di Bombero di Guatemala a publica imagennan di condicionnan extremo den cual su miembronan ta trahado. Riba e imagennan por mira cu e miembronan ta muha nan boots pa evita pa na keinta demasiado. Esaki a produci kemaduranan debi na e temperaturanan halto di e material piroclastico.
Diamars, despues di e aumento di e actividad volcanico, autoridadnan Guatemalteco a duna ordo pa evacua e comunidadnan cercano. Specialistanan a registra e descenso di un fluho nobo di piroclastico, cu lo por produci un cortina di as di un haltura di 6 mil meter.
E volcan Fuego tabata tin un erupcion violento diadomingo ultimo, e di dos di e aña aki. Te awo, su actividad cu a laga un saldo di 99 persona morto, cu mas di 1.7 miyon persona afecta y 3100 persona a wordo evacua.

Fuente: https://www.diarioantillano.com

Comments

comments