E preparacion pa cu e Aruba International triathlon ta den full swing. Despues cu Aruba Triathlon Association a organisa e tremendo Boulevard Race a pone tur cos bek na ordo pa asina diadomingo awor organisa un otro tremendo evento pa nan tri-atletanan e biaha aki e tan gusta Guardian Group Sprint Triathlon. E evento di Sprint Triathlon lo ta programa pa cuminsa pa 7’or di mainta y lo ta na e luga di custumber esta Boca Catalina na Malmok.
E evento di Sprint Triathlon lo ta uno veloz mirando e distancianan cortico cu tin cu wordo recori pero mas cu claro e intensidad lo ta uno halto. Pa loke ta e participacion pa cu e careda di Sprint Triathlon, e categorianan lo ta den Super Sprint(Kids te cu 14 aña) unda nan lo mester landa 375 meter, core bicicleta 10 kilometer y finalisa cu 2.5 kilometer core na pia. Den e Open Relay Kids lo mester landa e 375 m – core bais 10 km y core na pia 2.5 km
Den e categoria di Junior & Adulto Male, e distancianan recori lo ta un tiki mas. Aki cada atleta lo mester landa un total di 750 meter, core bicicleta pa 20 km y finalisa e competencia cu un 5 km careda na pia. Por ultimo den e categoria Female Open 15+, aki e tri-atletanan femenino mester landa 750 m, despues core bicicleta un total di 20 km y finalisa nan careda na pia cu un recorido di 5 km. Den e Open Relay esakinan lo mester landa 750 meter, core bais 20km y termina na coremento na pia cu ta e 5km
Stichting Sportsubsidie Aruba a subsidia e competencia di Sprint y Super Sprint Triathlon organisa pa Aruba Triathlon Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.