WILLEMSTAD – Awe den oranan di marduga operador di radar di Kustwacht a detecta un contacto sospechoso parti zuid di Corsou. Mesora a despacha un unidad di Guarda Costa for di Parera pa bay wak kico ta pasando y ora a yega pazuid di Daibooi, a bin topa cu un boto tipo Yola cu 4 persona abordo. Haciendo un investigacion chikito nan tabata tin droga y mesora a dicidi pa bin cu nan na e base di Guarda Costa na Parera. A detene e personanan aki mesora pa e droga cu a wordo confisca y siguiendo cu e buskeda a bin topa cu 6 arma di candela y municipcion hopi skerpi tambe. E personanan, 4 hende homber, 3 Venezolano y 1 Dominicana, hunto cu e droga y arma, a wordo pasa over pa Cuerpo Policial, kendenan na e momento ey tabata riba steiger.