PHILLIPSBURG- Guarda Costa di Caribe Hulande diasabra 13 di Mei, den un estrecho cooperacion cu Douane di St. Maarten a intercepta un embarcacion cu un gran cantidad di marihuana.
E embarcacion, ‘Scotty Sky’ tabata mara den waf di St. Maarten, Great Bay. durante un control estricto a bin descubri un total di 101 pakete di marihuana, cu’n peso di 35.67 kg. Esakinan tabata scondi den un gran cantidad di matanan di coco. E paketenan di droga a wordo tuma den beslag y entrega na polis. E capitan di e embarcacion a wordo deteni y e caso ta sigui den investigacion.