PARIS/KOPENHAGEN – Total lo cumpra Maersk Oil pa 7450 miyon di dollar, acuerdo cue petrolero Frances a bisa cu lo impulsa su ganashinan y fluho di efectivo y lo reforsa su perspectivanan di dividendo.
E empresa Danes AP Moller Maersk lo bende su division Maersk Oil na Total pa concentra den otro actividadnan, incluyendo su negoshi di transporte.
Bao di terminonan di e acuerdo, AP Moller Maersk lo ricibi 4950 miyon di dollar dne accionnan di Total y Total lo asumi 2500 miyon di dollar di e debe di Maersk Oil.
Maersk a bisa cu tin planea pa debolbe un “parti importante die balor di e accionnan ricibi di Total SA” na e accionistanan den 2018 y 2019 den forma di dividendo extraordinario, ta recumpra e titulonan of distribucion di e papelnan di Total.
E accionnan di AP Moller Maersk lo subi cu un 4.3 porciento den e prome operacionnan, mientras cu esunnan di Total lo cay un 0.5 porciento.
Fuente: www.reuters.com