Grupo di hoben ta maltrata hobencito y bay cu su placa

0
RBC Juli 2018
ling and sons porciento
Funmiles-2018

Central di Polis ta manda un patruya pa e veld di Lago Heights, caminda cu un grupo di hoben lo a maltrata otro hoben y a bay cu su placa. Na e sitio polisnan ta encontra e hoben H.H. di 13 aña, cu a declara cu e persona cu ta wak pe a dun’e 12 florin pa bay cumpra algun cos na un supermercado.

Na caminda, banda di e veld di Lago Heights el a wordo acerca door di tres hoben, di cual un di nan e conoce bou di nomber di “Giomy”, e otro como “Anthony” y e otro e no conoce. E tres hobennan aki asalt’e y bay cu e 12 florin for di dje. E hobencito no conoce e fam di e hobennan aki, unico cos cu e sa cu e hoben “Giomy” ta biba den De Vuyst. Según H, e hobennan lo tin mas o menos 15 aña.

Patruya a haci un control den bisindario pero sin resultado. Polisnan a dicidi di duna e hobencito 12 florin for di nan saco pa e por haci su compras, y despues nan a bah’e na su cas. E señora encarga di H., L., a wordo poni na altura di e sucedido y a bisa di lo informa mayornan di e hobencito ora cu nan yega cas.

Central di Polis y Chef van Dienst na warda a wordo poni na altura di esaki.

Comments

comments

C: Heineken
new india
dvg