Un total di 13 bombero a sali pa Merca, di cual 12 a bay pa un certificacion di FAA di nan trabaonan na aeropuerto. Esaki lo tuma luga na Jacksonville, Florida. Sr. Eduard de Cuba, Comandante di Cuerpo di Bombero ta amplia mas ariba e curso aki.
E ta prome biaha den historia di brandweer, cu nan personal ta bay certica nan mes pa haya un tiki mas experiencia den e trabao, pa bisa cu nan ta haciendo un trabao hopi bon ariba airport. Y cu nan por hisa e nivel di servicio cu nan ta dunando na airport. Y airport tambe como organisacion total, cu nan por ta trankil cu nan ta gecover di e banda ey. No solamente cu material como tambe cu personal certifica.
TRAINING
Despues di un auditoria cu a tuma luga na 2015, e conseho tabata eigenlijk pa e personal di Bombero ta bon prepara, pero toch pa tin un certificacion di un scol apart di loke nan mes ta duna. Nan a traha ariba esaki, ariba e curiculo tambe, kico ta bay bin aden, letterlijk, sende fusehale di avion na candela y nan ta bay train esey. Esaki no por wordo haci na Aruba y esey ta haci cu e experiencia di e trabao ta algo hopi importantte. Y e ta un parti crucial di e trabao. Nan ta bay pa cuater dia di trabao. E ta bay ta parti den e parti di teoria y di practica. Pero hopi di e cuater dianan ta bay wordo pasa literalmente, pafo den solo. Pero pa nan haya e experiencia cu nan no ta haya asina mas pa e parti di aeropuerto.
Trucknan cu ta wordo uza na Aruba, ta identico di loke ta wordo uza na Merca. E facilidad di training ta hopi avanza, cu control room, y via camara nan ta wak kico ta pasando pafo. P.e. hisa of paga candela. Habri tur cos, tur porta. Y e ambiente ta hopi safe pa e training tuma luga eynan. No ta hinca nan hendenan den un situacion peligroso por nada. E ta full controla. Tin dos of tres controleur constant tras di e monitornan. E fusilahe cu ta wordo uza pa train, tin mas hende paden cu ta monitor e siguridad di e personal. E ta un training hopi avanza y hopi safe. Pero toch e persoanna ta haya e experiencia cu nan mester pa e trabao akinan.
UPGRADING BOMBERO
Lo bay tin mas upgrading pa Cuerpo di Bombero. Esaki ta e prome grupo den historia. Y si nan haya e sosten un biaha mas di e minister di Husticia, nan lo manda un of dos grupo mas cu ta amplia e base di e personal cu ta bay tin e certificacion aki. Tambe nan ta trahando ariba mas material y material moderno pa airport. E ta conta pa full Brandweer. Nan ta papiando cu e minister di con pa sigui innova y sigui crece den Brandweer. E parti di airport sigur ta hopi esencial y e ta gran parti di e trabao tambe. Gran parti nan ta trahando ariba dje.
EXPANSION AIRPORT
Relaciona cu e expansion di airport, Sr. Eduard de Cuba, a bisa cu nan a manda pa minister, e breakdown di e personal cu tin y locual mester. Di e material cu tin y loke tinn mester. Brandweer tin contacto hopi estrecho cu airport y den cada expansion nan ta adapta nan cobertura di airport na esaki. Motibo ta cu airport no por keda atras, e mester keda competitivo pa e area di Caribe. Esey ta pone cu nan ta mester crece hunto cu nan, pa duna e cobertura y pa sina airport keda na e nivel cu nan ta actualmente,