BERLIN, Alemania – E griep di parha ta plama mas ainda den Alemania. E virus extremadamente contagioso H5N8, ta segun un instituto cientifico, cerca parhanan silvestre cu ta biba riba e isla di Riems dilanti e costa di Oostzee. Na Mecklenburg-Vorpommern y Sleeswijk-Holstein e industria di cria di parha a wordo contagia.
Pa diamars tin un conseho di crisis planea cu autoridadnan di agricultura Aleman y representantenan di servicio veterinario y otro expertonan. Tambe ta posibel cu lo tin un “ophokplicht” pa henter Alemania na ordo. E minister di agricultura, Christian Schmidt a dicidi en todo caso pa cuminsa cu e preparacionnan. “Nos ta tuma e plamamento di e griep di parha na Alemania hopi na serio,” el a bisa.
Fuente: ANP