joycebartendalATIA
Valero a sera su portanan y esaki ta un desaroyo cu ATIA tambe ta sigui di serca. Den combersacion cu e Presidente di ATIA Joyce Bartels Daal, el a splica cu esaki ta algo cu a pasa serca di fin di anja y esaki lo ensera cu ora anja habri e hendenan lo sintie mas duro. ATIA tambe ta comparti e preocupacion reinante di kico ta loke ta bai haci sigientemente y con comerciantenan ta bai haci. SNBA tambe ta un partner di ATIA y ta representa e comerciantenan di San Nicolas y ATIA y SNBA mester bai traha hunto y busca oportunidadnan pafor di e frontera di Aruba. Mester di un solucion liher y mester keda creativo pa yega na un solucion satisfactorio pa tur partido den termino corto como termino largo.

Siman pasa Aruba tabatin como 5 crucero riba un dia cu ta ekivalente na mas cu 10mil bishitante pero San Nicolas no ta sinti nada di e desaroyo aki. A puntra e presidente di ATIA kico e ta pensa di esaki. Joyce Bartels Daal ta splica cu sigur ta trahando riba e aspecto aki. E anja aki ta enfocando riba termino corto kico por haci pa contribui riba e aspecto di empleo. Un area di preocupacion ta e situacion na San Nicolas. Ta buscando solucionnan practico y liher pa evita cu na San Nicolas lugarnan ta sera nan porta. ATIA a splica cu e diferente gremionan tin un acuerdo cu otro pa sinta hunto y busca un solucion y no necesariamente mester bai den un Dialogo Social di biaha.