E mangelnan tabata tin e necesidad di cualkier inversionista bin, pa take care di nan. Mangelnan tin nan proceso natural, cu tin cierto cosnan ta breek af, nan ta verjong. Ta un proceso di siglos y siglos. Esaki no ta nada, segun Greg Peterson di Aruba Birdlife Conservation.
E ta sigui splica cu no tin nada cu por wordo haci cu Parke Arikok lo por a haci tampoco. E peticion cu a sali y a haya tur e firmanan, ta pa yega na cierto atencion di Gobierno entre nan, e proteccion di e 16 areanan, pero tambe pa por fabor, no bay kibra ROP y despues bay eyden y bay schoemel cu Groen Gebied, cu Natuurgebied, etc. Ta hopi cla pa ABC pa esey no sosode, pasobra e ora ya ta cuminsa distrui e ultimo luganan di naturalesa di nos pais.
Citgo
Banda di esey, ta den un situacion cu Gobierno a haci un trabao hopi grandi door di habri Citgo na San Nicolas y segun Peterson ta masha hopi esfuerso a bay den e trayectoria ey y ta bay bin acerca 3 mil cupo di trabao.
Aruba ta den un situacion cu tin 600 persona per M2 caba y sa cu hopi biaha tin cu keda importa labor den nos pais, unda tur e hendenan aki ta bay biba. Nan tin cu bay rosa otro caminda atrobe. Bay traha apartment, bay traha kico cu ta. Ta causando tambe cu ta destruyendo locual ta resta di naturalesa aki.
Pero si tin tres mil cupo di trabao na Citgo, pakico mester di mas hotel. Den e sector hotelero, sa cu pa cada 100 cupo di trabao, 93 nos mester trece di afo. Di e 93 ey, den 3 pa 5 aña riba averahe, nan ta trece 3 co-dependant. Cuanto hotel mas nos kier sigui traha riba nos isla y pa ken. E no ta pa nos hende haya trabao, segun Peterson.