Aruba Dushi Tera automaticamente ta crea un sentimento patriotico. Alabes e ta stimula un orguyo y amor pa Aruba no obstante bo ta un local of turista.
E gran apertura di e photo expo di potret riba canvas titula Aruba Dushi Tera lo ta di 7 – 9 PM na MFA Noord.
Lo tin potretnan riba canvas di Arabella Reyes – Colina, Isa Brown, Hanneke Bosma y Walter Mohamed. E 4 participantenan ta amateur den fotografia.
Nan ta sali di RC Photography Group.
E fotografonan a traha basta luna riba e tema pa trece locual nan ta compronde bou di Aruba Dushi Tera.
Bin presencia un bunita expo di potret riba canvas y pasa un rato ameno cu un amistad of famia. Esaki ta un momento oportuno pa netwerk.
Bin papia over di e arte di fotografia y vooral potret riba canvas. Y tambe bin tuma e oportunidad pa wak si tin un potret riba canvas cu ta inspirabo.