CARACAS, Venezuela – Den un prizon di Venezuela a haya un graf clandestino cu un total di 15 curpa den dje. Tres di e curpanan aki tabata sin cabes. Investigadornan a indica cu nan ta spera cu no tin mas curpa dera den e graf clandestino aki. Esaki indicando cu tin e posibilidadnan aki y cu ainda e buskeda y investigacionnan ta siguiendo.
E hayasgo aki a keda realisa den un prizon di e estado di Guarico. Esaki a keda cera pa keda remodela y haci algun trabou na dje. Activistanan pa derechonan humano a indica cu nan ta pensa kcu tin varios shen detenido cu a perde nan bida of a keda asesina den prizonnan di e pais y otro paisnan tambe rond mundo, unda dia pa dia e situacion ta bira mas peligroso.
Un total di 20 experto forensico a keda manda na e sitio pa haci trabou y investigacionnan na e kurpanan haya. E prizonnan di Venezuela ta yena cu problema relaciona cu agresividad entre miembronan di gangnan rival. Cada aña di nobo un cantidad grandi di detenidonan ta perde nan bida debi na violencia di tur tipo di prizon.
Fuente: http://www.vigilantekorsou.news