Google Hulanda a transfer 15 miyon euro pa Bermuda

0

AMSTERDAM, Hulanda- E filial di Google na Hulanda a manda 15 miyon euro pa e paraiso fiscal Bermuda. Esaki tabata pagonan pa bentahanan den ahorro di impuesto, segun varios medio Hulandes ta publica, cu ta cita un informacion di “Financieel Dagblad”.
E corant ta hasi hecho na e cuentanan anual cu Google Netherlands Holding a presenta na Kamer van Koophandel net prome cu fin di aña.
Segun e medio aki, Google ta haci uzo di su sociedad Hulandes desde 2004 pa transfer regalianan (pagonan pa e uzo di e marca y tecnologia di Google) pa su filial na Irlanda, cu tin e derecho di e marca pafo di Merca.
Financieel Dagblad a señala cu Google Ireland Holdings tin su sede na Irlanda, pero ta wordo administra for di Bermuda, caminda impuesto di corporacion no ta wordo aplica.
Ta di menciona cu e metodo aki ta “legal pero a wordo intensamente critica”.
E Comision Europeo (CE) ya a anuncia caba cu e tin planea pa bin cu normanan nobo na 2018 pa controla empresanan digital manera Google, Amazon, Facebook of Apple.
Ta spera cu e cobramento di e impuesto ariba facturacion di e empresanan digital grandi sirbi pa compensa e sumanan cu e companianan aki ta laga di paga belasting ariba belasting di sociedad (vennootschapbelasting).
Fuente: https://www.efe.com

Comments

comments