Gold Coast, Aruba su comunidad residencial di mas grandi, situa na Malmokweg, cu bista riba e saliña, ta contento di por anuncia e finalisacion di e prome cluster di Boca Druif y e Condominionan di Boca Grandi, cualnan ta un tiki mas espacioso.
E di dos cluster di condominio situa den e seccion di Mangroves V6, den e parti zuid di e residencia, lo cuminsa construccion den zomer di 2017, y lo wordo entrega na doñonan na Mei di 2018.
E 12 condominionan recien finalisa ta completamente bendi, y e di dos fase, actualmente preparando pa construccion, ta bendiendo rapidamente, segun informacion di desaroyador Fito Croes.
Ora e di dos fase aki di Condominionan di Boca Druif y Boca Grandi keda cla otro aña, e comunidad di plan maestro original lo celebra 100% di entrega riba e plan finalisa pa desaroyo mas cu diez aña pasa.
Ora e keda cla, Gold Coast lo conta cu mas di 260 residencia, den forma di townhouse di 2 y 3 camber, condominionan di 3 camber y un piso, y casnan di villa di 3 y 4 camber, situa entre 26 acre di hardinnan luhoso, plazanan pintoresco y fonteinnan, denter di e murayanan di un comunidad completamente segura.
E diseño di Gold Coast Residence a wordo concebi pa e miembronan dinamico di famia Croes, kende su vision original awo a resulta den beyesa, calidad, estilo, seguridad y conveniencia, corectamente financia y bon construi, den conforme estricto cu presupuestonan y e tempo proyecta.
E condominionan moderno di Boca Druif y Boca Grandi, cu opcionnan di 2 y 3 camber, ta condominionan espacioso di un piso, bunita apunta y ekipa cu e aparatonan di mas moderno, cu ta spaar energia.
E condominionan di 2 camber di Boca Druif ta midi 115m2, y ta obtenible riba tanto e prome piso como e pisonan eleva. E condominionan riba e pisonan eleva ta conta cu 2 balkon y un terras priva riba e dak cu bista riba e bunita exterior. Donjonan por disfruta di e terras priva riba e dak cu ta disenja pa entretene bishitantenan na un manera comodo, of simplemente pa djis relaha.
E condominio di 3 camber di Boca Grandi, cu un tamaño mas grandi, esta 129m2, ta obtenibel riba e prome piso como tambe e piso mas halto. E condominionan di e prome piso ta disfruta di un patio espacioso mientras cu e condominionan di e piso ariba ta conta cu 2 balkon y un terras priva riba e dak cu bista riba e bunita exterior. Doñonan por disfruta di e terras priva riba e dak cu ta diseña pa entretene bishitantenan na un manera comodo, of simplemente pa djis relaha.
E propiedad ta ofrece mas di 50 luga di parkeer, y e combinacion di bunita hardinnan cu luganan amplio di parkeer ta crea un ambiente di bida recreacional altamente funcional cu alaves bo por disfruta di dje.
Gold Coast su amenidadnan di resort denter di e comunidad ta inclui dos piscina di landamento, piscina di mucha, grillnan di barbecue, seguridad 24 ora pa dia, y servicionan di concierge.
Un programa continuo di huur di vakantie a proba di ta sumamente popular y e inventario di casnan di huur ta programa pa yega un total di 40 pa final di e anja.
E programa di huur di Gold Coast Residence ta ofrece un producto unico di vakantie alternativo y ta provee un oportunidad ideal pa esnan cu ta buscando pa inverti den un cas di isla pa “purba” e experiencia di estilo di bida di isla ofreci pa donjonan di cas, hasta prome cu nan ta cumpra. Tambe e ta provee tremendo balor pa famianan of parehanan cu ta viahando hunto, y ta buscando e extra espacio cu solamente un residencia por provee. Adicionalmente, loke bo ta spaar ta substancial ora bo compara e prijs di huur un residencia di Gold Coast cu cualkier di Aruba su acomodacionnan di prome clase y 4 streya.
E cherry riba e bolo, esta e club house, a wordo inaugura anja pasa, y ta situa na e otro banda di e residencia. Bishitantenan por drenta door di e entrada y pasa e rijnan di casnan y condominionan cu nan hardinnan luhoso. E club su porte cochere ta conta cu un piesa di arte di brons crea pa artista local Gilbert Senchi, esta un calco, cu awa cu ta cai rond di dje den un bunita piscina grandi, dilanti e entrada di e club.
E lobby principal tin tegelnan bunita y ta den aire liber, y e skinanan comodo pa sinta dilanti di e check in desk ta prepara pa ricibi bishitantenan na un manera eficiente, na momento di nan yegada.
Pafo riba e terras cu bista riba e piscina di forma liber y zero entry pool, e bar ta comanda e banda drechi, mientras cu e resto di e espacio habri precioso ta cas di White Modern Cuisine. E restaurant tambe ta disfruta di un sala di come airecondiciona rondona pa murayanan di glas.
E hardin di e Club House ta rondona pa bougainvillea color di fuchsia planta den e santo di playa color di sucu blanco, cu bista riba e salinja di Malmok.
White Modern Cuisine y chef Urvin Croes a ricibi hopi elogio y awo su fanaticonan ta inclui amantenan di cuminda di tur segmento di nos isla su sociedad, incluyendo hopi bishitante di afo.
E chef hoben creativo a nace na Aruba. El a wordo entrena na Hulanda y na Italia, disfrutando di un carera solido for di e momento cu el a caba cu su scol culinario, ganando premionan gastronomico y trahando den establecimentonan di alta clase, incluyendo e restaurant cu streya di Michelin, Grand Hotel Karel V, na Utrecht Hulanda.
Ora cu el a regresa pa e isla, Chef Urvin, durante un momento crucial den su carera, a habri su halanan pa habri su mesun restaurant, White, promoviendo e harmonia entre cuminda y binja, balansando calidad y sabor, den nan formanan mas puro.
Chef Urvin ta revisa su menu un cantidad di biaha pa anja, basa riba productonan cu ta wordo cosecha localmente, y ta sigui traha cu piscadornan, cunukeronan y criaderonan local pa nan variedad y obtenebilidad.
Bishita Gold Coast Residence pa algo di come, of pa cuminsa bo bida nobo.