Gobierno Venezolano ta retene paspoort di cantante Venezolano “Nacho”

0

CARACAS, Venezuela- E cantante Venezolano “Nacho” a denuncia a trabes di rednan social cu su paspoort ta den beslag na Venezuela. Den un video e ta bisa cu su paspoort ta reteni.
” At’ele aki pa e fastiosonan di gobierno, pa nan no bisa cu mi a bay Miami, pasobra mi no tin manera di bay wak mi yiunan”, e artista a afirma den un video.
“Nacho” a cancela tur su biahenan pa Venezuela door di su desacuerdo cu e gobierno di Nicolas Maduro. Sin embargo, e cantante tin varios dia den e pais ya cu e mester a renoba su paspoort.
Den un potret e artista a bisa cu e ta spera di bolbe bek pronto banda di su yiunan.
E cantautor ta un di e tanto Venezolanonan cu tur dia ta invita na cambio den su pais.
Fuente: http://www.noticiasrcn.com