DEN HAAG – Gobierno di Aruba mester a baha cabes pa e nombracion di Alfonso Boekhoudt como Gobernador di e isla. Esey ta e acuerdo cu a tuma luga diamars entre Prome Minister Mike Eman y Minister Ronald Plasterk (Relacionnan di Reino). Plasterk na su turno a admiti cu e manera con Boekhoudt a wordo apunta no tabata di e miho manera.
Eman a bula na un manera abrupto pa Den Haag pa asina duna keho riba e nombracion di Boekhoudt. E tabata prefera pa mira un otro y absolutamente no tabata contento riba accion arbitrario cu e Gobierno Hulandes a tuma.
E Gobernador di Aruba, un pais independiente dentro di Reino Hulandes, ta representante di Hulanda riba e isla. E ta representa e interesnan di Reino y ta na cabes di Gobierno di Aruba.
Fuente: De Telegraaf