CARACAS, Venezuela – William Contreras, superintendente nacional pa e Defensa di e derechonan Socioeconomico (SUNDDE) a ordena comercionan ubica den e caya concuri di Sabana Grande na Caracas pa baha tur nan prijsnan.
E descuento obliga aki mester ta entre 30 y 50% pues e organo estatal aki ta considera cu e prijsnan actual ta speculativo.
“Nos ta sigui garantisa prijsnan husto na pueblo, desde Sabana Grande.:
Contreras a splica cu por lo menos 463 funcionari di Sundde ta verificando e cumplimento di e orden aki y ta adopta nobo unda cu por ta necesario.
“Nos ta dicidido pa sigui defende e revolucion y pueblo di e sicarionan economico aki,” e superintendente a bisa.
Durante e recorido, e funcionarionan – kendenan tabata compaña pa efectivonan di Guardia nacional Bolivariana – tabata un blanco di critica den e centro comercial City Market ubica den e caya menciona.
Ora cu nan tabata dispone na aplica e media den dicho luga aki, cientos di persona a cuminsa na bisa den coro e dicho popular “y va a caer, y va a caer, este Gobierno va a caer,” un situacion cu a wordo comparti riba rednan social y aplaudi pa e Venezolanonan.
Fuente: NTN24