Gobierno Suiso a sanciona 18 funcionario di gobierno Venezolano

0
RBC Juli 2018
ling and sons porciento
Funmiles-2018

BERN, Suisa- Gobierno di Suisa diamars a sanciona 18 funcionario di gobierno Venezolano, entre nan ta destaca e vice – presidente di Venezuela, Delcy Rodriguez y presidente di e Constituyente di Maduro, Diosdado Cabello.
E sancionnan di orden economico a wordo emiti pa e Confederacion Suiso y Departamento Federal di Economia Suiso.
Entre e personanan sanciona ta haya e vicepresidente di Venezuela, Delcy Rodriguez, pa su accionnan como presidente di e Asamblea Nacional Constituyente “ilegal”, incluyendo usurpacion di funcionnan di parti di e Constituyente y elaboracion di leynan uzo contra dirigentenan opositor.
Diosdado Cabello, actual presidente di e Constituyente a wordo sanciona pa ta “involucra den debilita democracia y estado di derecho na Venezuela, mediante e uzo di medionan di comunicacion pa ataca y menasa opositornan politico Venezolano publicamente”.
Di otro banda, e ex vice presidente Ehecutivo y awe vice -presidente di Economia y minister di Industria y Produccion Tareck El Aissami, a wordo sanciona pa su responsabilidad den ataca derechonan humano y trato inhumano den e detencionnan realisa pa e Servicio Bolivariano di Inteligencia Nacional (SEBIN), organismo cu ta na ordo di e vicepresidencia di e Republica.
Otro di e personanan sanciona tabata e comandantenan di ehercito y Guardia Nacional. E general Sergio Jose Rivero Marcano, comandante di e Guardia Nacional, pa abuso y detencionnan arbitrario di ciudadanonan di parti di organismo.
Tambe e Generaal Majoor y comandante di ehercito Jesús Suárez Chourio, e director nacional di e Direccion General di ContraInteligencia Militar (Dgcim) general Ivan Hernandez Dala, e minister di Interior, Husticia y Paz, Nestor Reverol, general Gustavo Gonzalez Lopez, director nacional di Sebin y general Antonio Benavides Torres, tur pa nan actuacionnan y relacionnan pa e violacionnan pa su actuacionnan y vinculacion na e violacionnan grave di derechonan humano di Venezolanonan, eherce pa e cuerponan di siguridad di Estado Venezolano.
E lista di sancionnan ta wordo compensa pa e minister di Educacion, Elias Jaua; e hefe di e Comité Localnan di Alimentacion y Produccion, Freddy Bernal, e rector di Conseho Nacional Electoral (CNE), Tibisay Lucena, Sandra Oblitas y Socorro Hernandez, e secretario di CNE, Xavier Moreno Reyes, e presidente di e Tribunal Supremo di Husticia, Mikel Moreno, e fiscal constituyente, Tarek William Saab y e vicefiscal, Katherine Harrington.

Comments

comments

C: Heineken
new india
dvg