LIMA, Peru- Presidente di Peru, Pedro Pablo Kuczynski diahuebs a sigura cu “ta momento pa studia e caso” di un indulto na e ex- gobernante Alberto Fujimori, preso pa 10 aña caba pa crimennan contra humanidad y pa corupcion.
E tema di indulto, cu a bin dilanti un biaha mas den e debate politico di ultimo año, a renace den medio di un un enfrentamento entre un gobierno debilita y e congreso opositor poderoso controla door di Fuerza Popular, bou liderasgo di e yiu muhe di e ex- mandatario, Keiko Fujimori.
Den menos di un aña, Kuczynski a perde tres minister door di presion di Parlamento.
“Ta su momento pa bolbe studia e tema, pero cu trankilidad”, Kuczynski a declara na periodistanan. Ley ta permiti e presidente otorga indultonan pa Fiestanan Patrio, cu ta wordo celebra 28 di Juli y pa Pasco.
For di su cuenta di Twitter, e congresista Kenji Fujimori, yiu menor di e ex- mandatario, a reacciona bisando” Danki, señor presidente. Ta hora pa bira e pagina. Mi lo ta enternamente agradici na bo”.
Kenji ta un di e poconan cu a crea lazonann cu gobierno desde e Fujimorismo.
Ex- presidente Fujimori, di 78 aña, ta preso desde 2007 den un base policial na Lima, cumpliendo un condena di 25 aña.