CIUDAD DE MEXICO, Mexico – Presidente di Mexico, Enrique Peña Nieto, diahuebs a anuncia cu el a pidi Ministerio Publico pa investiga acusasionnan di cu gobierno ta spiona periodistanan. El a afirma cu e kier yega na e fondo di e denuncianan cu el a bisa cu ta falso.
Organisadonan di actividadnan y periodistanan di Mexico dialuna a denuncia cu nan a wordo spiona door di autoridadnan federal mediante un software cu a wordo instala den nan smartphonenan y cu a wordo adkiri na Israel pa combati terorismo.
Durante e inauguracion di un parke industrial den e estado di jalisco, presidente Peña Nieto a bisa cu gobierno federal ta rechasa tur tipo di intervencion den e bida priva di cualkier ciudadano y cu tecnologia cu a wordo adkiri ta pa mantene e siguridad interno di e pais.
“Ta pa combati crimen organisa. Ta pa genera condicionnan di siguridad pa ciudadanonan Mexicano”, e la bisa.
Fuente: www.lta.reuters.com