Gobierno mester pone fondonan necesario pa asina plataforma ley di cacho por cuminsa funciona Despues cu e ley di cacho a bini poco a ser haci paso no a pone e fondonan pa cu esaki pa cual aki a papia cu e parlamentario cu a trece e ley aki . Sr Donny Rasmijn ta splica kico a pasa cu esaki.
Den parlamento a pasa mocionnan , caminda lo kier pa Gobierno aloca placa pa yuda den e sistema aki. Tin diferente gruponan cu ta haciendo tremendo trabao eyfo. Boluntarionan, personanan di bon curason cu ta haci e trabao aki.
Pa haci e ley aki funciona, mester di cierto tereno asigna, pa wanta e cachonan. P.e., den caso cu polis yega y haya un cacho maltrata, sin awa. Na un forma corecto, e doño lo mester haya un boet. Y lo mester bay cu e cachonan y hiba nan un caminda cu nan por tin un bida decente atrobe.
Pa haci esaki, mester di cierto terenonan. Tin hopi personanan ta uzando nan mesun terenonan, pa cuida di e cachonan, te ora cu nan haya doño pa nan. Sa sosode, cu hendenan di afo, ta dicidi di adopta un cacho y ta bay cun’e den exterior. Mester di luga, pa pone e cachonan, mester di aloca recursonan pa asina por take care di e cachonan na un manera decente y civilisa. Asina hunto cu e campaña di sterilisacion cu ta tumando luga por reduci e problema aki. Si e ley ta na vigor, por ta sigur cu tur cos ta draai bon y tur e abusonan aki por keda pa pasado.
E plataforma ora el a bin na vigor na comienso, pero tabata tin desacuerdo cu e stake holdernan pa cual no por a sigui cu e proyecto aki. Esun cu tabata na cabes, sra. Trudy Hassel a bay traha na KIA y esey a haci cu e grupo a ricibi un golpi, unda cu e no a keda fuerte. Pero aworaki ta biniendo bek, mescos Sra. Hassel. E contribucion mester bin di gobierno. E ley tin hopi tempo caba para, pa asina e trabaonan por tuma luga y e abusonan por stop.
Ley mester wordo respeta y cumpli cun’e, y sancionnan mester wordo duna. Den un pueblo civilisa, e cosnan aki no por tuma luga. Sr. Rasmijn ta trahando hunto cu e grupo di e plataforma, y p’asina hunto yega na un solucion pa e problematica aki.