Gabinete Rutte III recientemente a anuncia cu nan lo pone 30 miyon euro disponibel pa inversionnan na Bonaire, Saba y St. Eustatius. E gabiente su prioridad ta pa mehora e perspectiva economico den Caribe Hulandes, entro otro drecha e infrastructura y reduccion di pobresa. Esaki e minister a scirbi den un carta na nomber di e minister Ollongren ((minister di Binnenlandse y Buitenlandse Zaken), y Staatssrecretaris Knops (Minister di Relacionnan Interior y Relaccionnan di Reino) den Tweede Kamer.
Den e acuerdo di coalicion, a keda acorda cu lo inverti den fortalecimento di e region. Seis region ta wordo defini: Caribe Hulandes ta un di e regionnan. Diahuebs e gabinete a dicidi cu lo pone un total di 30 miyon euro disponibel pa e siguiente proyectonan.
- Traha y renoba e waf di Saba
- Desaroyo di e sector agricultor di Saba
- Aporta na e distribucion di combustibel sostenibel na Bonaire
- Stimula viviendnan social na Bonaire
- Desaroyo di plannan pa desaroyo di agricultura y mehora e matadero na Bonaire
- Desaroyo di plannan y estimulo di servicio di empleo pa medio di un Job Center na Bonaire
- Mehora e conexion entre educacion y e mercado laboral
- Y adresa e problema di erosion na St. Eustatius
E inversionnan aki, manera anteriormente mencional, lo wordo haci na momento cu tin un bon gobernacion y un bon maneho financiero. Staatssecretaris Knoops ta den contacto cu e Conseho Ehecutivo di Bonaire tocante e mehoracionnan necesario y e manera con e lo por ofrece su apoyo na esaki. Staats-Secretaris lo kier yega na un acuerdo gubernamental cu e entidad publico di Bonaire, den cual e tema principal lo wordo cubri den cual detayenan mas concreto lo wordo duna na bon gobernacion. E recursoann pa e proyecto na Bonaire lo wordo manda tan pronto cu tin un acuerdo gubernamental, ora cu tin un acuerdo di bon gobernacion y maneho financiero y plan di maneho pa e proyecto ta cla.