CARACAS, Venezuela- E Gran Mision Vivienda Venezuela (GMVV) e siman aki lo entrega 2.869 cas nobo na e mesun cantidad di famia Venezoano. Asina tambe e programa social lo yega 2.102,869 miyon cas traha desde 2011, segun e minister di habitat y vivienda, Ildemaro Villarroel a declara.
Durante e reunion semanal di e organo superior di vivienda nr 24, a señala cu e cifra ta representa e 70% di e meta poni pa e gobierno Venezolano di logra traha 3 miyon cas pa 2019.
El a indica cu e reimpulso di GMVV a wordo poni na disposicion di e Inmobilario Nacional di un total di 14 mil hectarea pa desaroya 1130 proyecto habitacional, “cualnan ya caba ta den ehecucion, pa garantisa e miyon di vivienda otorga na 2018 y 2019”.
El a destaca cu como parti di reimpulso di GMVV, a trabes di e plataforma di e Carnet de la Patria 170 mil vivienda a wordo asigna.
“Un total di 170 mil vivienda a wordo entrega, a trabes di e verificacion di e Carnet de la Patria y a establece tur e transferencia di dato di e personanan pre- asigna cu tin den e pais pa su validacion”, e minister a resalta.
“Ademas, a pone na dispocion di e plataforma Patria 669 mil cupo di vivienda y tereno y a activa e opcion di GMVV den e dispositivo VEQR a trabes di Hogares de la Patria, cual lo permiti cu e misioneronan di e brigada di Movimento Somos Venezuela sigui cu e registro di e necesidad di vivienda y cu nan bay na e base di dato pa asignacion di e beneficio, sin miedo”, el a agrega.
El a recorda cu pa garantisa e construccion di vivienda den e territorio nacional, siman pasa a realisa trabaonan pa “evualua e servicio y ekiponan urbanistico di e GMVV y a revisa e metanan pa e relansamento den e di dos trimester y e asignacion di 75 biyon bolivar y 909.90 petro pa compra di material di construccion y garantisa su continuidad”, Villaroel a bisa.