Dialuna anochi na Curacao a tuma luga un reunion di urgencia na conseho di Minister pa delibera riba e situacion cu ta andando na Curacao, unda diamars mainta pa 10 or mas cu 10 sindicato ta uniendo pa asina pone un paro general.
Prome Minister di Curacao Sr. Ben Whiteman a comenta cu e noticia di ultimo ora cu a pasa na Curacao den oranan di anochi unda centro pro arte tabata full na candela. Ta algo di lamenta unda con e candela aki a sucede, unda el a ser kima pero cada ken cu kier welga tin nan derecho pero no pa haci esaki.
Mi tin di bisa loke a sucede cu a pone cu Gobierno a duna necesario pa duna e declaracion, pa pueblo realisa cu nos lo haci tur posibel tur hende cu haci tipo di accionnan aki, unda autoridad tin e mandato pa trece esnan culpabel na e fechorianan di pega candela y nan tin cu duna cuenta y laga full e peso di ley baha riba nan, pasobra esaki ta algo inaceptabel. Esaki ta perhudica nan mes y tambe e comunidad.
Gobernacion ta sigui Sr. Whiteman a comenta dialuna anochi laat, e accionnan normal continua pero na un manera normal, Gobierno ta determina pa controla e situacion y atrobe loke a sucede nos ta zorg pa e investigacion tuma luga, pa esunnan cu a haci nan mes culpabel na e cosnan aki laganan para responsabel, unda ley lo keda na encarga di nan.
Minister di Husticia Sr. Nelson Navarro, a duna su comentario tambe, e no ta prohibi ningun hende di welga, el a zorg pa esnan cu comete violacion ley lo baha pisa riba dje na algun acuerdo cu a pone riba mesa, y tanto kilometer no mag di tin algomeracion for di e porta di refinera Isla y no por viola orden publico. Loke a pasa awe nochi cu pro arte full na candela ta algo di desea, investigacion tin bay determina e candela aki y autoridadnan tin nan instruccionnan fuerte pa esnan cu haci tipo di actonan aki, y unda aki forsa di ley lo bay cay duro riba nan. E asunto cu ta pasando cu sindicatonan no ta nada di Gobierno, pero Gobierno ta yudando un salida pa yuda e pegamento di e contrato colectivo, pero ta sigui cu e esfuerso pa yuda e partidonan.
Como Gobierno nos tin como responsabilidad pa salvarguardia e isla y e comunidad, y nos tin autoridadnan uniforma para cla pa defende e siguridad di e comunidad, e mandatario Sr. Navarro a duna di conoce.
Asina Gobierno di Curacao a finalisa cu e informacion cortico aki pa e comunidad ta na altura.