Por medio di un carta manda na presidente di Conseho Insular, sr. Rijna, miembro di Conseho Insular, Jeanoushka Raphaela ta informa cu nan ta termina nan sosten na coalicion, diahuebs, 3 di November.
Den dicho carta ta indica cu, su persona, kende ta representando Fraccion Raphaela den Conseho Insular, a dicidi di forma un coalicion cu MPB y Fraccion Bernabela.
Hopi ta e espectativa y speransa cu a wordo crea pa e lider Politico di e partido mayoritario. E coalicion actual a biaha pa Hulanda y a bishita varios instituto y ehecutivonan Hulndes.
E lider di delegacion a crea e imprecion y speransa cerca e miembronan di Conseho Insular cu ta sostene e Gobierno actual cu Hulanda (BZK) cu awo si lo cumpli cu Boneiro su necesidadnan.
E carta ta sigui bisa cu apesar di tur e bunita palabranan y promesa di e lider politico di MPB, mester constata cu e pueblo di Boneiro keto bay ta en problema serio.
Ainda trahadonan ta cobra un sueldo minimo cu no ta yega pa biba riba dje.
Te awe e cobradornan di onderstand y pensionadonan ta den preta.
Mayor y muchanan ta haya solamente un “kinderbijslag” di $40 pa yiu.
A permiti cu lo traha duro pa mehora bida di esnan cu menos entrada, mester a constata cu esaki NO ta e caso.
E situacion aki ta inaceptabel, segun Raphaela, caminda cu e fraccion ta desea un cambio di acercamento di Hulanda. No por sigui permiti cu BZK ta haci y deshaci cu Boneiro y e actual coalicion y e mandatarionan concerni no ta protesta y trata di alivia e situacin pesimo di e pueblo di Boneiro.
Jeanoushka Raphaela, miembro di Fraccion Raphaela, ta termina su confiansa den e Gobierno actual, e carta a finalisa.