Gobierno di Aruba cu bista riba tempo den desaroyo

0

Dialuna mainta, Gobierno di Aruba a yama un conferencia di prensa pa splica riba e desaroyonan di un mal tempo cu por yega cerca di nos den e dianan aki. Prome Minister Mike Eman a splica mas di e esaki pa cual ta importante pa pueblo ta riba un standby.
Ta spera naturalmente cu na momento cu e yega mas cerca di nos isla, lo no tin un impacto mayor. Pero como cu nunca sa, e temponan aki ta desaroya di un cierto distancia di nos pais. Na e momento aki e tempo cu ta desaroyando den Caribe, cu por bay tin un impacto riba nos pais, rond di diamars pa diaranson, ta un tempo cu ta na 660 kilometer zuidoost di Trinidad na e momentonan aki y desde algun dia caba, hunto cu Hurricane Center, Meteorologische Dienst di Aruba, ta sigui e tempo aki di cerca.
Tin diferente motibo cu ta pidi atencion tempran pa e tempo aki, sin cu kier trece cualkier inkietud den comunidad. E por ta un tempo cu ora e drenta den lama Caribe, su intensidad lo por varia di biramento menos, te cu por ta bira mas. Tin biaha ta dificil pa por calcula, pero ta referi p’esey na expertonan di Meteo.
Di parti di Gobierno, basa riba experiencianan cu tabata tin ultimamente cu cierto temponan cu por tuma nos comunidad toch di sorpresa na momento cu e sosode den oranan di marduga, specificamente e ultimo tempo malo cu nos tabata tin di hopi awasero cu a mira cu impacto hopi grandi un biaha mas den e area di Madiki y Palm Beach. Hopi di e casnan cu a bishita durante inundacion, a splica cu hopi di e daño cu a sufri, tin cu tabata inevitabel. E awa tabata asina hopi, pero parti di e daño tabata evitabel si por a premira of anticipa di informacion na nos comunidad cu specialmente den e areanan cu ta conoci di inundacion, cu nan por tuma precaucion. Un di e precaucionnan cu ta tuma, a base di experiencia, den e area cu nan ta biba, cu ta lanta cosnan den cas na un nivel suficiente halto pa e daño di awa ta menos pa loke ta trata muebles, cama, cashi y cosnan di balor, papel tambe, ora cu tin informacion delanta. A mira cu den caso cu den oranan di marduga, algun luna pasa, a haya hopi awasero, esey tabata un awasero cu a tuma un curso toch hopi rapido y a haci toch cu hopi hende a wordo sorprendi door di e tempo y no tabata tin tempo pa por a lanta cosnan den cas, den e areanan sigur cu ta conoci cu tin hopi awasero. Ta bay tin toch un cierto oranan di inundacion, ni cuanto preparacion cu haci, esta haci rioolnan limpi, e salidanan di awa limpi, toch conoce areanan caminda cu ora cu e awa basha den intensidad halto bo ta haya cu pa cierto cantidad di ora, awa ta halto y por haci daño. Pa e motibo ey kier ta hopi delanta cu informacion. Por ta asina delanta cu ta lanta cierto inkietud, pero ta tuma e riesgo pa lanta un tiki inkietud pa en todo caso ta miho prepara.
No tin un desaroyo ainda di un horcan of un tropical storm cu ta haci’e caba un punto cu tin Rampenbureau envolvi. Si minister tey presente pa duna toch un anticipacion na comunidad pa cierto preparacionnan wordo haci den e organisacion di nos casnan, nos famianan, pa por ta mas delanta na momento cu meteo duna un señal por ta despues di e siguiente oranan cu toch tin cu tene cuenta cu un tempo cu por bay desaroya den bira algo mas fuerte.
E ultimo briefing cu e minister a haya for di Meteo, ta uno cu lo mester sigui e tempo di cerca y esey tambe ta locual Minister Mike Eman ta transmiti na comunidad pa ta hopi pendiente di informacionnan cu lo ta bay dunando durante e siguiente ora y dianan, pa asina ta maximalmente prepara pa cualkier desaroyo di un tempo cu por tin efectonan riba nos pais.
Ta spera naturalmente cu esey no lo ta e caso. Tey hopi delanta pa por anticipa riba tur eventualidad y lo sigui esaki cada ora y cada momento pa nos tur, y tambe medionan di comunicacion, tambe ta informa pa yuda distribui informacionnan di kico por spera, pero tambe di e accionnan di por tuma, na momento cu haya indicacion cu esaki por bay den direccion di hopi awasero, hopi biento, cosnan cu ta hopi relata na un tropical storm of segun calculacionnan di Meteo, cu lo bay hayando segun e oranan ta bay pasando.
Te na e momentonan aki e informacionnan ta cu tin cu sigui esaki di cerca y ta pidi comunidad tambe pa sigui’e di cerca y Gobierno cada momento lo ta den contacto cu tur e organisacionnan den nos pais, pa por ta prepara pa cualkier desaroyo cu ta necesario pa Aruba tuma e precaucionnan maximo y famia y barionan tambe, tuma e precaucionnan maximo. Lo keda informa e comunidad di e necesidad di esaki, e mandatario a enfatiza.

LEAVE A REPLY

Please enter your comment!
Please enter your name here