BOGOTA, Colombia – mas di 26 mil famia damnifica pa e temporada di awasero, a wordo yuda pa organismonan di Estado, e presidente Colombiano, Juan Manuel Santos, a informa diadomingo, kende a destaca e capacidad di reaccion di e sistema di prevencion y atencion di desaster.
Di e famianan afecta, 20 mil ta den e departamento selvatico y empobreci di Choco, frontera cu Panama, e mas afecta pa e precipitacionnan.
E hefe di Estado, kende tabata na Barranquilla,c apital di e departamento Atlantico (nort), caminda cu e entrega un scol y otro obra, a sigura cu e entidadnan crea pa atende e afectadonan pa e invierno, a wordo elogia na nivel mundial.
Di e manera ey, el a bisa cu e logronan den e aspecto aki ta ainda mas relevante, teniendo na cuenta cu e pais ta entre esnan mas vulnerabel na e cambio climatico.
El a recorda cu den su bishita na Reino Uni, cu lo cuminsa otro siman diamars, invita pa Reina Elizabeth II, e cambio climatico y e apoyo di e pais aki pa Colombia, lo ta un di e puntonan trascendental cu lo bay trata cu autoridadnan Britanico.
Santos, galardona e aña aki cu e Premio Nobel di paz, tin premira pa biaha awe tardi pa London, desde Cartagena unda cu diasabra el a clausura e di XXV Cumbre Iberoamericana di e Hefenan di estado Gobierno.
Fuente: NTN24