Recientemente Su Excelencia Gobernador Alfonso Boekhoudt tabata huesped special na Marinierskazerne na Savaneta caminda cu el a ser ricibi pa comandante Luitenant-Kolonel der mariniers Timon van Dishoeck. Sr. Gobernador a ricibi un rondleiding amplio di e diferente divisionnan di e base militar y a cera conoci tambe cu entre otro Sra. Zuleika Leon kende ta e persona responsabel pa e personal local.
Gobernador tabata hopi interesa tambe pa conoce mas di cerca e tarea importante di Kustwacht y tambe e proyecto di reformacion social di nos hobennan. Gobernador Boekhoudt a keda masha impresiona y satisfecho cu e bishita y a desea tur esunnan envolvi di e tarea importante di vigilancia y defensa di nos isla hopi forsa y exito den nan funcion.