Sr.Clifford Rosa, presidente di Stichting Rancho kier informa pueblo di Aruba y comunidad Guajiro lo siguiente. Despues di a ricibi un yamada for di e Gobernador di La Guajira Dr.Weildler Guerra Curvelo diabierna anochi, cu e peticion pa pospone su bishita pa Aruba, cual tabata planea pa ta presente pa dia 27 April pa e acto protocolario cu celebracion dia di REY. Segun e Gobernador cu dia 26 April La Guajira lo ricibi bishita di e President di Colombia, caminda cu e Presidente lo bay anuncia cosnan hopi importante pa e desaroyo di La Guajira. Pues cu pa e motibo aki e Gobernador no por yega Aruba pa asina cumpli cu e parti di protocol, pa despues duna palabra na e comunidad Guajiro biba na Aruba. Tambe Gobernador lo a haci un anuncio na Stichting Rancho. Sr. Clifford Rosa, president di Stichting Rancho ta trahando riba un fecha nobo y asina cu esaki ta conoci Stichting Rancho lo anuncia esaki. Stichting Rancho ta pidi su disculpa pa cu esaki.
Tambe Sr. Clifford Rosa, presidente di Stichting Rancho kier anuncia, cu pa motibo imprevisto. E actividad planea hunto cu Arubox, pa dia 30 April. Tambe ta wordo pospone pa un otro fecha. Asina cu e fecha ta conoci esaki lo wordo comparti cu pueblo di Aruba. Pa asina nos duna sosten na e deporte aki di Boxeo.
Pero Stichting Rancho ta warda henter pueblo di Aruba y muy special e amante di Boxeo y Literatura, pa un presentacion di e prome ehemplar di e buki OPI cu ta tuma luga dia 29 April pa 7or di anochi den Centro di Actividad Rancho. Cual ta un buki cu ta conta e storia di e legendario boxeado “Sugar Nando Boy” cual tabata un boxdo hopi conoci. Aki un di su yiu, cual ta Xiomara Frans-Muller lo bin for di Boneiro y haci un presentacion di e bida di “Sugar Nando Boy” su nomber , Fernando Muller a nace na San Pedro de Marcoris, Republika Dominicana dia 11 Maart 1931, y el a fayece 29 Januari 2014 na Tilburg, Hulanda. Fernando Muller a biba den Rancho y esaki ta algo cu ta mustra e parti Multi-Cultural y Deportivo di un persona cu ta contribui na un storia masha importante mes.