Tur dia ta hiba control na departamentonan di Gobierno pa wak cu no tin casonan di criadero mirando cu tin ora tin hende sa bisa cu tin. Sin embargo control ta ser haci cada rato segun Clayton Croes di GKMB.
Croes ta menciona cu tin bon cooperacion cu e departamentonan aki. Loke ta haci ta traha un afspraak cu e departamentonan manera Cuerpo Policial, etc., ta bishita nan, educa nan splicanan kico nan mester haci, mescos cu nan ta haci cu casnan, cual ta riba nan mesun responsabilidad. Den casonan asina tambe ta e mesun idea. Sea cu ta hefe cu ta trahando na e oficinanan aki, ta duna nan instruccion kico nan mester haci y kico nan por haci. Ta pasonan hopi simple cu pa un of otro rason cu no ta haci y ta educa nan e ora. E enfoke ta pa educa nan pa asina un pa un, cada un di esakinan bira mas conciente kico nan por haci. Hopi biaha nan falta e tiki informacion ey. E simpel conocimento for di unda e sangura ta sali y unda e problematicanan aki ta. Hopi biaha algun warda di polis ta yama cu molester di sangura y GKMB ta duna nan instruccion pa nan por preveni criadero. E mision di GKMB ta pa proteha pueblo di e sanguranan cu ta transmiti dengue, Chikungunya y Zika. Educa tambe nos pueblo, cada doño di cas pa por preveni criaderonan. Esaki ta pa nos tin un comunidad saludabel y un sentido di responsabilidad pa nos salud. Pa nos ta conciente cu cada accion cu haci, sea ta un control rond di cas, sigur tin un efecto positivo pa nos mesun salud, Croes a splica.