Wit Gele Kruis ta haya tres caso pa siman di stroke. Pesey ta bezig cu un programa “Bo curason den bo man”, unda cu ta duna mas educacion, informacion riba malesanan di curason, pero tambe stroke. Stroke ta loke ta haci cu un persona ta keda den un rolstoel. E ta kita mita lam. E no por cana, e mester cuido intensivo. Esey ta locual cu ta wak cu ta alarmante y door di educa nos comunidad, Wit Gele Kruis ta prefera di hacie na television. Sa cu tin un congreso cu lo bay tuma luga diasabra awo, di e fundacion CVA, loke cu Wit Gele Kruis ta apoya sigur. Den e caso aki, diasabra awo den Renaissance Convention Center. Lo ta bon pa pueblo en general bay tende kico ta locual cu nos tin cu tene cuenta cune pa biba un bida saludabel pa bo no haya stroke ey den e caso aki. Un cos cu ta preocupa Goeloe, ta cu a ripara cu edad cu hendenan ta haya stroke ta bahando. Hendenan entre 30 y 35 aña ta hay’e. Goeloe ta recorda tempo cu el a haci su opleiding na Hospital, ta wak cu hendenan di un edad hopi mayor ta haya stroke. Actualmente ta hopi hoben ta hayando esaki y ta den rolstoel, mita lam. Esey ta atrobe ta e parti di e estilo di bida saludabel, comemento di vet, salo, movecion. Si bo ta huma, stop di huma, pasobra e ta cera bo adernan. Tur esaki tin di haber cu bo estilo di bida saludabel. Pesey ta preocupa pa e movecion aki. Mas informacion bin eyfo, mas miho pa tur hende. Actualmente no tin escusa pa cana. Segun Goeloe, na Linear Park tin basta espacio y sa cu na Malmok tambe tin hende ta cana, na San Nicolas, na Paradera. Tin caminda pa cana. Tin cu cuminsa move, segun Goeloe.