EINDHOVEN, Hulanda – Un ginecologo di 42 aña, a wordo suspendi pa un aña, debi cu el a tene relacion sexual cu un pashent durante su opleiding den e hospital Radboudumc. E Regionaal Tuchtcollege Eindhoven a declara e keho di Inspeccion di Salubridad (IGZ) valido.
Sex den oficina di dokter
E muhe a declara aña pasa cu na 2009, durante su embaraso, el a tene relacion sexual cu e dokter den e oficina di tratamento di e hospital na Nijmegen. E muhe y su partner, debi na problemanan di fertilidad y e gana inmenso pa haya un yiu, den tratamento cerca e ginecologo cu tabata den opleiding.
“Contacto sexual entre un dokter y un pashent cu ta siña conoce otro den e cuadro di tratamento medico, no ta permiti,” segun e college. E ginecologo a wordo suspendi pa un aña, di cual seis luna ta condicional. Despues di esey e ta haya un tempo di prueba di dos aña.
Sosten di coleganan y directiva
E ginecologo a declara anteriormente cu e tabata destrosa pa e storia emocinal di e muhe y su avancenan. El a rond af su opleiding na Nijmegen y ta traha den Hospital Amphia na Breda. Su storia ta conoci eynan y e ta haya, segun e mes ta bisa, e sosten completo di su coleganan y directiva di e hospital.
Fuente: www.rtl.nl