Diahuebs atardi e team di Train Hard Fight Smart a bishita Alex Croes di Gianni’s Nutrition Center despues di training pa nan haya nan suplementonan pa nan biahe pa Korea.
E team di 4 atleta cu ta biaha pa Korea dialuna ta haya bon training door di e trainernan di Brazil Taekwondo Stichting cu tin masha hopi tempo ta prepara pa e Korea Open. E unico cosnan cu tabata haci falta tabata e diferente suplementonan manera, Shock Therapy, Hi Tech Pharmaceuticals, Multi-Vitamin y Advanced Performance Formula Max Whey.
Cada suplemento ariba su mes ta traha pa diferente aspecto ariba e atletanan. E atletanan ta usando e suplementonan aki pa un paar di aña caba y nan mes ta papia di e resultadonan door di e suplementonan.
Alex Croes semper a coopera bon cu e team di “Train Hard Fight Smart” di Brazil Taekwondo Stichting y ta mira e resultadonan di su productonan den e atletanan cu ta biahando pa Korea y cu semper ta trece medaya bek Aruba na unda cu nan biaha bay pa representa Aruba.
Na Korea e team ta bay bou guia di ex campoen mundial, coach olimpico hall of famer Henk Meijer cu tin amor pa e team di “Train Hard Fight Smart”