KRALENDIJK, Bonaire- Gezaghebber Edison Rijna posiblemente lo kier pa bin un sorto di screening pa candidatonan pa diputado. Esaki segun un carta cu el a manda pa miembro di eilandsraad Maruga Janga, cu un copia pa e otro miembronan di eilandsraad.
Den su carta, Rina ta skirbi cu el a tuma e prome pasonan pa bin cu un concepto di protocol ‘vermoeden integriteitsschending politieke ambtsdragers’ E gezaghebber a sigui bisa cu e lo wak cual ta e posibilidad pa esaki bay acompaña pa un Declaracion di Buena Conducta (VOG) pa personanan cu un cargo publico.
E carta di e gezaghebber ta bin algun dia despues cu e fraccion di MPB a entrega un mocion den Eilandsraad, unda cu gezaghebber lo a wordo instrui pa haci un proceso di screening, prome cu e persona por yama su mes Diputado.
E miembro di DP Maruga Janga na mas di un ocasion a urgi gezaghebber pa tuma pasonan contr di e miembro di eilandsraad y ex diputado Clark Abraham, cu según Janga, tabata tin un violacion di integridad..
E mocion di e partido blauw unda ta haci un yamado pa un screening mas amplio di e futuro mandatarionan, a wordo nenga door di e mesun Janga (disidente, PDB), Robbie Beukenboom (disidente/PDB), Maritsa Silberie (UPB), Esther Bernabela (independiente/UPB) y Jeanoushka Raphaela (independiente/UPB). Al parecer, Janga tabata pro un investigacion na e actuacion di Abraham, pero no pa un screening general di tur (futuro) diputado.
Fuente: http://www.bonaire.nu