Awo por bay wak algun personal di Imigracion lo bay cuminsa traha como analista pa cual aki Gerald Fingal, den su calidad como director di e departamento, a splica di e posicion cu a ser habri pa haci control tur caminda cu hende drenta Aruba.
El a splica cu internamente a introduci e funcion di analista. Tabata tin e formacion ey den e organisacion, pero nunca el a wordo yena cu hendenan capas pa haci e trabao. E analistanan a wordo introduci na Januari kico nan ta haci. Nan ta belast pa check tur e transnan di e biahero den e Radex. Tin cu detecta cierto transnan, cual nan ta wordo pasa pa un personal, pa tin un control mas detaya di frontera. Den pasado ta djis wak cu tur hende ta controla tur hende riba e mesun cos. Cu introduccion di E-gates, e biaheronan bonafide, no ta perde tempo pa traha riba nan den Radex, pasobra nan ta pasa via gate, pa asina por pasa den nan second stage, pa check e biaheronan pa por controla nan mas leu riba specificamente por richt riba cierto tipo di biahero, cu por para nan na frontera prome cu laga nan drenta, pasobra por tin un sospecho cu nan lo bin haci algo malo of no ta cumpli cu cualkier rekisito. Esaki ta conta pa waf di Barcadera, Crucero y tambe na aeropuerto. No tin cu lubida cu tin e parti priva cu ta deal cu e jetnan priva. E ta bay conta pa tur doorlaatpost. Tur punto di entrada na nos frontera, segun Gerald Fingal.