SYDNEY, Australia- E musico di rock, George Young, conoci pa a forma parti di e banda Easybeats y AC/DC a fayece dialuna. Esaki según un post ariba e banda su pagina oficial di Facebook.
“Cu dolor den nos curason, nos tin e tristo deber di anuncia e fayecimento di nos ruman y mentor stima, George Young. Sin su yudansa y su consehonan, AC/DC lo no por a existi”, según e mensahe.
Young a nace na Escocia na 1946 y a muda cu su famia pa Australia na 1963. Dos aña despues,, Young y Harry Wanda a forma e grupo Easybeats.
Na 1973, su rumannan chikito Malcolm y Angus a crea AC/DC, formacion musical den cual e difunto tabata tin un colaboracion activo.
Cu su compañero di grupo, el skirbi varios clasico, manera “Love is in the Air” y “Friday on My Mind”.
E seyo discografico pa cual e tabata traha, Alberts, a describi Young como un “pionero di rock Australiano”. E tabata un “compositor completo, un productor revolucionario, artista, mentor y un musico extraordinario”, e compania discografico a skirbi riba nan pagina di Facebook.
Fuente: http://www.milenio.com